Geðveikasta lífsreynsla ævi minnar!

Ég var að koma af tónleikum, nánar sagt bestu og flottustu tónleikum sem haldnir hafa verið í Íslandi. Zappa plays Zappa var yfirskriftin og orð að sönnu því synir Frank Zappa, Dweezil Zappa og Ahmet Zappa stóðu að þessu. Reyndar var Ahmet ekki uppi á sviði en hann var í einhverju baktjaldamakki.

Auk þeirra voru góðir gestir og aðrir tónlistarsnillingar. Fyrstan má nefna Napoleon Murphy Brock sem spilaði á Saxafón, þverflautu og söng aðalrödd. Svo var trommusnillingurinn Terry Bozzio sem sýndi gríðartakta í ''mindblowing'' trommusólóum og reyndar líka annar trommari sem var alls ekki síðri trommari. Síðast en ljósárum frá því að vera síst má telja Steve Vai, einn mesta gítarsnilling sögunnar. Gítarsólóin hjá drengnum voru ekki mannleg, vá! þessir þrír voru allir að spila með Frank Zappa á sínum tíma.

Dweezil, sonur Zappa spilaði lead guitar svo ég sletti aðeins, meirihluta tónleikanna sem stóðu í rúma 3 tíma. Han flengdi einnig fram gríðarlegum tónaflaumi úr sínum gítar og mátti greina tár á hvammi fólks þegar mest lét. þar fyrir utan voru nokkrir aðrir tónlistarmenn. Einn rithma gítar, einn bassi sem var rosalega klár, einn ásláttarleikari, með xylophon, bongotrommur, kúabjöllur, hristur og fleira þess háttar. Ein kona sem spilaði á hljómborð, bak- og aðalrödd og saxófón og hún var einnig úr þessum heimi hvað varðar sóló úr hljómkviðu sinni. Að lokum var einn sem spilaði á hljómborð, trompet og ýmis rafhljóðfæri, t.d. (synthesizer?).

Þeir spiluðu samfellt í 2 og hálfan tíma, lög frá ýmsum tímabilum í ferli Frank Zappa. Þá sögðust þeir vera farnir en nei lýðurinn vildi meira svo þeir komu aftur og spiluðu eitt aukalag. ''Bara eitt aukalag'' kunna margir að segja en verða gabandi þegar ég segi þeim að það lag stóð í tæpar 40 mín. já, 40 mín! Það innihélt allt, sóló frá nánast öllum í hljómsveitinni, fagran söng með miklu harmony milli saxafón/ karlsöngvara og saxafón/ kvennsöngvara. Svo var gríðarlegt trommusóló þar sem trommararnir tveir skiptust á að tromma heilabörkinn í tvennt og að sjálfsögðu fabio sjálfur, Steve Vai með besta gítarsóló sem ég hef heyrt í mjög langan tíma, það var lýtalaust.

Rúmir 3 tímar af eintómri hamingju og gleði, nú sit ég hér í sæluvímu með brosið frosið á varir mínar og hlusta á óminn að hljómleikunum sem festist í kollinn minn, nú einungis sem pirrandi ískur og ótti um varanlegan heyrnarskaða. Ég er glaður, það fyndna er að það stóð ekkert til að fara á þessa tónleika, reyndar vissi ég ekki af þeim fyrr en í fyrradag, svo fór ég að lesa mig til og í dag tókst mér loks að sannfæra pabba um að bjóða mér. Hann sér ekki eftir því núna því hann er álíka glaður og er skítsama um 12600 krónurnar sem þetta kostaði hann.

Fyrir þá sem þekkja ekki tónlist Frank Zappa þá mæli ég eindregið með honum, snillingur.

Á örðum nótum, ég byrjaði í vinnunni minni í dag, ég vinn nú hjá Arnarverk. þar er ég handlangari, það þýðir samt ekki að mig langar í hendur, neeiii ég er einskonar aðstoðarmaður ó byggingarsvæði. Alveg ágætt, ég geri voða lítið, bíð bara mest og þarf einstaka sinnum að moka eða eitthvað þannig.Og auk þess ágætlega borgað, ég segi ekki nákvæma tölu en þetta er töluvert yfir unglingavinnu kaupinu, fliss fliss.

Á enn öðrum nótum, ég hef formlega lokið grunnskóla. Ég tel mig hafa staðið mig ágætlega en ég ætla ekkert að útlista námsárangur minn frekar hér þar sem þið sem lesið þetta vitið allt um það, enda sáuð þig mig uppi á sviði þegar ég tók við verðlaunum.

Á síðustu nótunum í dag, söngleikurinn er loksins tilbúinn, á diskinum er bara söngleikurinn í heild sinni, eingin heimildamynd samt, vegna tæknilegra örðugleika, því miður. En söngleikurinn er þarna, það er algjör óðarfi að hrópa húrra yfir gæðunum en þau trufla mann voða lítið, það sést allt og hljóðið er bara fínt, reynið bara að horfa á litlu sjónvarpi, þá líta gæðin betur út. Þeta er allt mjög professional gert, hulstur og prentuð mynd á diskunum og DVD menu og allt í góðu, allt þetta fyrir aðeins 1200 kr, sem þið hafið alveg efni á, kommon, bolurin kostaði 1500 kr og það var bara bolur. En þið sjáið samt eftir því ef þið kaupið þetta ekki þannig að sendið mér nafn og e-mail ef þið viljið kaupa, e-mailið mitt er leppaludinn@gmail.com. Þá fáið þið sent e-mail þegar þið þurfið að sækja diskinn upp á skrifstofu skólans, það verðu fyrir 20 júní.

Kaupið nú diskinn og verið góð.

Nóg að sinni, Sleggjan

Greatest Hits með Sleggjunni komið á netið!

Þið heyrðuð ekki ofheyrnir, nýjasti diskur minn er kominn á netið. Diskurinn inniheldur 8 lög og er um 24 mín. Mitt uppáhald er lag númer 2, Ethnic composing for advanced listeners/easy listening for beginners. Á öðrum nótum þá þarf aðeins að rifja upp og reynað muna, fjallanöfnin, náttúruna. Nei segi bara svona. Í dag gerði ég voða lítið, var bara í skólanum að klára þennan umtalaða fyrirlestur meðan restin af genginu var í hestaferð, haha LAME! Nú á eftir er málið að fara að borða með bekknum á Ruby Tuesday, sjibbí.

Um daginn vann Finnland í Euróvisíon eins og allir vita þannig að ég hef ´nú ekki fleiri orðahrókeringar um þetta mál að þessu sinni. Þau verða þá ekki fleiri orðin í þetta sinn.

Post script diskinn má finna í Niðurhal.

post post script ég veit ekkert hvað ég ætlaði að skrifa, ég vildi bara prófa að nota P.p.s.

Evróvisíon

        Jæja þá er komið að því, dagurinn sem þjóðin hefur beðið eftir í mörg ár, loksins kemur eitthvað almenntilegt frá Íslandi. Nú eru margir hvumsa og segja hvað meinaru Arnþór, lögin okkar hafa bara verið hreint ágæt. Nei, Selma, Birgitta Haukdal, Jónsi, 2 Tricky. Need I say more. Nú er hins vegar stuð og aldrei að vita nema Silvía standi sig bara ágætlega. Hinsvegar er ég á báðum áttum, hún hefur augljóslega fengið gífurlega athygli og menn ekki sammála um gæði hennar sem manneskju. Það ætti að fleyta henni eitthvað áfram því að því meiri athygli sem hún fær, því meira fer fólk að forvitnast og margir munu væntanlega fara á netið til að athuga hvernig þetta blessaða lag hennar hljómar. Þá kemst það að því að legið er bara nokkuð gott. Hins vegar á engin Norðurlandaþjóð eftir að vinna þetta í langan tíma, það er komið svo mikið af miðjarðarhafs og austurtjalds löndum sem kjósa bara nágrannaríki sín. Það er svindl og bara gengur ekki.         Hér sit ég með kók í hendinni og nautalund fyrir framan mig og er í þann mund að fara að skrifa lengsta blogg á jarðríki. Sum ykkar munu lesa þetta, aðrir munu hætta við strax í byrjun og enn aðrir munu deyja í miðju bloggi úr vökvaskorti. Já ég er að fara að gagnrýna öll 23 löndin sem eru að fara að keppa.         Biðin er á enda, Evróvision er að hefjast á ný.   

Löndin 

Armenía

Falkur hallærislegur miðaldra karlmaður að syngja lélegt armenskt poplag. 

Búlgaría

Allt við þetta lag er alveg grautleiðinlegt, nema reyndar viðlagið sem er alveg skratti gott. 

Slóvenía

Rosalega lengi af stað en þegar á hólminn er komið er bara bullandi stuð og gleði. Það er á svona stundum sem hugurinn reikar að ítölsku skíðastaðina þar sem svona stuð tónlist hljómar góðan slatta af deginum og fólk bókstaflega dansar uppá borðum á skíðaklossum, mögnuð sjón. Kemst örugglega áfram en ekki minn bolli af tei. 

Andorra

Kraftmikið og karaktermikið lag, þetta er minn bolli af tei, svona miðað við Eurovision. Ég hlusta samt ekki á svona tónlist dags daglega en án efa eitt af betri lögum keppninar. 

Hvítarússland

Lélegt austurtjalda pop 

Albanía

Hallærislegur söngvari en kommon, gotta love those old menn með sauðmaga flautuna 

Belgía

Hörkulag, flott laglína og bara allt í góðu lagi. Þó dettur það svolítið mikið niður svona milli viðlaga. Enn og aftur vil ég benda á að ég er ekki kelling og hlusta þar að leiðandi ekki á svona tónlist dags daglega 

Írland

Flott lag en gengur ekki í Eurovision 

Kýpur

Voða rólegt og fallegt. Massív söngkona, minnir svolítið á Anastasíu. Fínt dæmi hjá kýpur. 

Monako

Ekkert harmoni, hljómar eins og lélegur kór. Og lélegt lag 

Makedonía

Ég hef heyrt nokkurnvegin sama lag svona þúsund sinnum og þau eru öll jafn léleg 

Póland

Leiðinlegt lag og kallin með græna hárið var hallærislegur og kunni ekki að syngja. Auk þess ákváðu þau að fara væmnu ofnotuðu leiðina og þýddu smá hluta úr laginu á táknmáli með táknrænum dansi. Svo toppuðu þau allt með einum versta rappara hérna megin Vetrarbrautarinnar, ef hann hefði talað öllu hægar hefði hann farið að tala afturábak, svo sletti hann inn einstaka spænsku orði og hefur örugglega ekkert vitað hvað þau þýddu, til dæmis endaði hann á orðinu Gasolina sem þýðir bensín, hvernig passar það inn í lag sem fjallar um að fylgja hjartanu. 

Rússland

Falskur maður með mullet dauðans að syngja þreytt popplag með klassískum ballett dönsurum fyrir aftan sig, gengur það……nei. 

Tyrkland

Allt við þetta lag segir mér að hata það; stjörnuþema, kvenlegir karldansarar og stór brussuleg tattúveruð kona að sýngja um að hún sé ofurstjarna. Samt er það svo svalt, góð laglína. 

Úkraína

Leiðinlegt lag, leiðinlegt show, leiðinlegir dansarar, ágæt söngkona. Virkar ekki. 

Finnland

Rólegir á að vera svalir, kommon finnskir gæjar í 40 kg sjóðandi heitum skrímsla latex göllum og samt eru þeir svo ofur svalir, góður plús að lagið er ansi gott. P.S. mamma mín er að fíla þetta lag í ræmur. 

Holland

Allt er svo súper jolly og hippalegt, tilbúið tungumál, trumbusláttur. Þetta er rosalegur misskilningur hjá þeim.  

Litháen

’We are the winners……..of eurovision’      Ekki séns kallarnir, alveg rosalega hallærislegt.  

Portúgal

Reynið að ímynda ykkur nokkrar tvítugar konur í afmælisboði einnar þeirra, sem fá sér aðeins í aðra tána, missa sig síðan í kareokistuðinu og syngja lélega Abba stylingu, nei annars þið þurfið ekert að ímynda ykkur neitt. Horfið þið bara á Portúgalska eurovision lagið í ár. 

Svíþjóð

Hin sænska Carola syngur augljóslega alveg rosalega vel enda þrautreynd söngkona, alveg ofsalega ofnotað eurovisionlegt lag og eiginlega bara frekar leiðinlegt. Og þó, eitthvað hlýtur að virka fyrst svona margir hafa reynt svipuð lög áður. Good on you Sweden. 

Eistland

Enn ein abba stylingin, örlítið betri en Portúgal en samt gífurlega hallærilegt. 

Bosnía – Hersegovenía

Vel gert lag fyrir þá sem er eru fyrir svona, er alveg viss um að mamma sé að sundrast af gleði þar sem hún situr í vinnunni í geðdeild 33 b á landsspítalanum. Sjibbí. 

Ísland

Silvía er svo svöl auk þess er þetta gott lag. Reyndar var það betra á íslensku en hei who cares. Flott atriði og bara áfram Ísland og Romario (Björn Thors) og hinn gæjinn sem er eikkað no name sem enginn veit hver er. P.S sumir í salnum héldu vart vatni af ánægju meðan aðrir púuðu. Arright, þið vitið hvað sagt er, það er ekki til nein slæm auglýsing.  

Jæja nú kemur smá spá fyrir útkomuna.  Þetta eru lögin sem ég held að komist áfram (ekki í réttri röð) 

Ísland

Bosnía – Hersegovína

Svíþjóð

Finnland

Tyrkland

Belgía

Andorra

Slóvenía

Írland

Rússland 

Ok athugum hvort ég hafði rétt fyrir mér   Hér kemur liðið  Rússland

Makedonía

Bosnía – Hersegovína

Litháen

Finnland

Úkraína

Írland

Svíþjóð

Tyrkland

Armenía 

Ég giskaði semsagt 6 af 10 rétt. 

Ég er nú bara alveg hundfúll, helvítis austurtjaldsmafía. Hvað í ósköpunum er Armenía og Litháen að gera þarna, þau voru með ömuleg lög. Ég er fjúríus, það kjósa allir þarna bara nágrannaþjóðirnar, það er enginn að fylgjast með því hvort lagið sé gott eða ekki. Freakin hálfvitaþjóðir, note my words, ég mun aldrei fara til Armeníu því þeir eiga ekkert skilið að fá Sleggjuna til sín.  Þar fór gleðin á Laugardaginn. 

Sleggjan has spoken.

Nauðbeygður

Ég var neyddur til að skrifa og neyðarinn var enginn annar en Óli 'the devil' Már og skal honum bölvað um aldur og eilífð fyrir vikið.

Nú þarf ég víst að segja eitthvað um líf mitt um þessar mundir. Ég hef samt voða lítið að segja, ég býst við að líf mitt sé bara frekar lítiðfjörlegt. Þó ber að minnast á ferð árgangsins að Kirkjubæjarklaustri. Þar var mikið grínað og mjög gaman og þá sérstaklega stuðpúðinn hún Ólafía gangavörður sem alveg hreint reytti af sér brandarana. Svo var River rafting (flúðasiglingar) sem var einstaklega vel heppnaður liður í ferðinni. Ég var það svalur að ég datt ekki út í vatnið en þá varð retin af bátsfélögum mínum svo öfundsjúkir að þeir ákváðu að hrinda mér útí en þó ekki án töluverðrar baráttu. Sjibbí.

Auk þess var ég að ákveða núna fyrir smá stund að ég ætla að fara til Spánar þann 7. okt. 2006. Ég er samt ekki viss hvort ég fari í viku, 11 daga eða 2 vikur. Erfitt.

Nú eruð þið vonandi komin með skerandi sársauka í augun af öllum þessum lestri og því ætla ég að hætta núna.

eitt samt í viðbót, hafið þið tekið eftir því að ég læt ykkur alltaf vita áður en ég hætti að blogga, talandi um þjónustu.

Sleggjan

Ég nenni þessu ekki.

þetta er ekkert að fara að gerast. það á enginn eftir að ná þessu. þess vegna hef ég ákveðið að að setja svarið við gátunni inn 1 degi áður en fyrir var ákveðið. Hér til hliðar getið þið fundið svarið við gátunni. Ýtið bara á Getraunir.

 Annars er bara lítað að frétta hérna, var í náttúrufræðiprófinu sem var bara furðulétt þó að kynsjúkdómaspurningin hafi reyndar verið svindl. Annars er ég sáttur.

Ég er víst að fara í þessa skólaferð að Kirkjubæjarklaustri og verður það vonandi skemmtilegt. Þó hefur það heyrst að Bjössi 'beardman' komist kannski ekki og því verður eikker annar noname gæji frá ítr með í för.

Á öðrum nótum þá var ég að stofna svona Deviantart dæmi með ýmsu photoshop dæmi sem ég geri. ekkert flott komið enn samt, er að vinna í því. Hér er slóðin

Sleggjan

Getraun 1

Fyrsta getraunin verður dulkóðuð skilaboð sem þið getið fundið í liðnum ' getraun ' hér til hægri. þar sem þetta er mjög erfitt þá ætla ég að gefa tykkur vísbendingu.

Ég notaði sesarhliðrun, víxlstöfun og stafaruglun en ekki endilega í þessari röð.

Takið eftir að þrátt fyrir þessa víbendingar þá er þetta bara á færi þeirra reyndustu og jefnvel ekki þeirra.

1/5

Jæja, þá er eitt próf búið og að mínu mati eitt það erfiðasta. Ég held samt að mér hafi gengið ágætlega og ég reikna með að ég fái 9 – 9,5. Annars er ég bara spakur, nú hefst bráðum lærdómur fyrir næsta próf sem er á morgun en ég reikna ekki með að læra mikið fyrir það og heldur ekki dönskuna af augljósum ástæðum.

ég hef ákveðið að ekki sé nóg líf á þessari síðu, jújú fólk hefur verið að dl glósunum mínum og jú, slembilukka hefur verið töluvert niðurhöluð en hins vegar virðist sem voða fá ykkar lesi það sem ég skrifa og verður það að teljast skrítið þar sem ég er alveg ótrúlega skemmtilegur.

Ég hef því ákveðið að vera mánaðarlega getraun á þessari síðu og verður 400 kr. verðlaun fyrir rétt svar. Hins vegar, í ljósi þess hve rausnarleg þessi upphæð er þá verður gátan geysi erfið.

Sleggjan